Myndlist í Føroyum ( 11 )
KVF

Seinasti partur í Myndlist í Føroyum snýr seg um skulppturar. Tita Vinther, ættað úr Finnlandi, hevur sett seg væl inn í ta ríku føroysku ullmentanina. Í 1985 vav hon sín stóra skulptur Taraskógur, ið er settur saman av i lutum. Hans Pauli Olsen og Andrias Andreassen, báðir úr Havn, eru tveir av okkara fáu myndahøggarum. Hans Pauli er útbúgvin á tekniskúla á Glyptotekinum og síðani á kunstakademiinum í Keypmannahavn. Hann arbeiðir fyrst og fremst við leiri. Andrias Andreassen er útbúgvin á kunstakademiinum í Århus. Hansara andlits- og bringumyndir bera dám av einum klassiskum uppruna.
Áhugin fyri list kyknaði í 19. øld í sambandi við, at føroyingar fóru at geva náttúru síni gætur. Ein vaksandi tjóðskaparkensla bar í sær, at landslagið gjørdist listarligt myndevni, fyrst í skaldskapi - føðilandssongum, sum í dag eru fólkaogn - og síðani í myndlist. Eftir eitt tríati ára skeið við slóðbrótandi amatørvirksemi komu tey fyrstu professionellu listafólkini fram miðskeiðis í tríatiárunum. Eftir kríggið trinu fram mong nýggj gávurík listafólk, og hesi seinastu 50 árini kunnu vit staðfesta, at myndlistin er vorðin ein týðandi listagrein í Føroyum.